Марказимизда бажарилаётган ИЗ-202006174 шифрли:  «Иситма билан кечувчи юқумли касалликлар (бруцеллёз, иерсиниоз, ич терлама, паратиф) қўзғатувчиларига қарши поливалент зардоблар олиш технологиясини яратиш»  мавзусидаги (грант раҳбари т.ф.д.,доцент Н.У.Таджиева) амалий грант бўйича олинган натижалар асосида бруцеллёз қўзғатувчиларига қарши поливалент зардоблар олиш технологияси, «Агглютинация реакцияси учун  поливалент, бруцеллёз диагностик  зардобини олишни ишлаб чиқариш  ва миллий стандарт зардобни тайёрлашнинг технологик жараёни регламенти», Агглютинация реакцияси учун  поливалент, бруцеллёз диагностик зардоби бўйича Вақтинчалик фармакопея моддаси, аналитик паспорти ишлаб чиқилди.

Агглютинация реакцияси учун  поливалент, бруцеллёз диагностик зардобининг махсус фаоллиги, сезгирлиги, иммунологик ва биокимёвий кўрсаткичлари ўрганилди.

        Агглютинация реакцияси учун  поливалент, бруцеллёз диагностик зардобини Ўзбекистон Республикаси Соғлиқни сақлаш вазирлиги ҳузуридаги Дори воситалари, тиббий буюмлар ва тиббий техника экспертизаси ва стандартлаштириш Давлат марказида TB/M 00664/07/23 рақам билан рўйхатдан ўтказилганлик тўғрисидаги гувоҳнома олинди.

Поливалент, бруцеллёз диагностик зардоби беморлардан ҳамда ҳайвон маҳсулотлари ва б.қ. дан ажратилган бруцеллёз микробларини  идентификацияси учун  фойдаланилади.