АОКАда бўлиб ўтган матбуот анжуманида (https://www.facebook.com/watch/live/?ref=watch_permalink&v=3656529567900811) юқумли касалликларни олдини олиш ва санитария йўналиши бўйича бажарилган ишлар ҳамда ОАВда ва ижтимоий тармоқларда тарқалаётган турли асосланмаган хабарлар юзасидан маълумот берилди.

Профилактик ва эпидемияга қарши чора-тадбирлар натижасида жорий йилнинг 6 ойи давомида айрим юқумли касалликларнинг ўтган 2022 йилнинг шу даврига нисбатан пасайиши кузатилди.

Хусусан, салмонеллез инфекцияси  18,1%га, бактериал ичбуруғ 46,2%га, ўткир ичак касалликлари 10,4%, вирусли гепатит В 26,9%га, вирусли гепатит С 27,7%, айрим гельминтоз касалликлар: аскаридоз 26,8%, трихоцефалёз 85%, тениаринхознинг 23% пасайиши  қайд этилган.

Самарали тадбирлар натижасида ўлат, вабо, сариқ иситма, вирусли геморрагик иситмалар, парранда гриппи каби карантин ва ўта ҳавфли юқумли касалликларни республика ҳудудига четдан кириб келиши ва аҳоли ўртасида тарқалиб кетишига йўл қўйилмади.